06:56, Saturday, 20.09.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბერბუკში ჩასახლებული დევნილები

16.04.2009
თეა თედლიაშვილი

ხელისუფლება მუდმივად იწონებს თავს, რომ დევნილებს კოტეჯები და ნაკვეთები პირად საკუთრებაში გადაეცათ, თუმცა დღემდე მათთვის არც კოტეჯი და არც ნაკვეთი არავის დაუკანონებია. მათი ყოველდღიურობა ერთფეროვანია. მიუხედავად იმისა, რომ დევნილები სისტემატურად ითხოვენ დასაქმებას, მათი უმრავლესობისთვის ეს პრობლემა გადაუჭრელად რჩება.

ამ ეტაპზე ხელისუფლებამ დევნილებს 50 კვადრატული მეტრი, ნაკვეთი მისცა, მათთვის სხვა სამსახური ჯერ არ გამოჩნილა. არასამთავრობო ორგანიზაციის მიერ გადამზადებული ბერბუკის მოსახლეობა ითხოვს ადგილზე გაიხსნას ისეთი საწარმო, რომელშიც მათი დასაქმება იქნება შესაძლებელი.

ავთანდილ ოქროპირიძე ბერბუკის დასახლებაში ერთ-ერთი მამასახლისია. ის ასევე დევნილია და განსახლების სამინისტროს კოლექტიური ცენტრის ადმინისტრატორია. ოქროპირიძის ოჯახი უკვე მეორედაა დევნილი - ჯერ ცხინვალიდან, შემდეგ დისევიდან.

პრეზიდენტის დაპირებისამებრ, რომ დევნილებისა და ე.წ. ბუფერული ზონის სოფლებში მცხოვრები  სტუდენტებისთვის მაგისტრატურაში სწავლა უფასო იქნებოდა, ოქროპირიძის შვილმა, ლელა ოქროპირიძემ 2009 წლის იანვარში გორის უნივერსიტეტის მაგისტრატურაში ჩააბარა, თუმცა ამჟამად ლექციებს ვერ ესწრება, რადგან სახელმწიფოსგან დაფინანსება არ მიუღია. უნივერსიტეტში რეგისტრაციისთვის საჭირო 250 ლარი დევნილ ოჯახს არ გააჩნია. ოქროპირიძეების დევნილმა ოჯახმა დახმარების თხოვნით განათლების სამინისტროში განცხადება შეიტანა. ოჯახმა ასევე მიმართა ლიახვის ხეობის მაჟორიტარ დეპუტატ ბადრი ბასიშვილს, რომელმაც დახმარება ვერ აღმოუჩინა და განათლების სამინისტროსკენ მიუთითა.

შიდა ქართლის სამხარეო აპარატში აცხადებენ, რომ დევნილ სტუდენტთა დასაფინანსებლად განაცხადების მიღება სამი კვირის წინ დასრულდა და საბოლოო სახით განათლების სამინისტროს გადაეგზავნა, ამიტომაც სიებში ცვლილებას ვეღარ შეიტანენ.

"ეს პროგრამა მოქმედებდა არა მხოლოდ დევნილებზე და არა მარტო მაგისტრატურის სტუდენტებისთვის, არამედ ბუფერული ზონის მაცხოვრებლებისთვისაც და ასევე ბაკალავრიატის სტუდენტებზეც. ამ ადამიანს დროულად რომ მოემართა, ჩვენ აუცილებლად დავეხმარებოდით, მაგრამ ახლა არაფერი შეგვიძლია”, _ აცხადებს სახელმწიფო რწმუნებულის პრესსამსახურის უფროსი ნათია ომაძე.

შიდა ქართლის რეგიონული განვითარების სამსახურის მთავარი სპეციალისტი ანა ჯებისაშვილი, რომელმაც სტუდენტთა სია შეადგინა, აცხადებს, რომ პრეზიდენტმა იმ მაგისტრანტების დაფინანსება იგულისხმა, რომლებიც მაგისტრატურაში ერთიანი ეროვნული გამოცდების გზით მოხვდებიან.

"ადამიანები შევიდნენ შეცდომაში, მათ სწორად ვერ გაიგეს ვის აფინანსებს სახელმწიფო. რაც შეეხება ბუფერული და დაზარალებული სოფლებიდან დევნილ სტუდენტებს, ასევე გორში სუხიშვილისა და ხახუტაშვილის ქუჩაზე მაცხოვრებელ სტუდენტებს, ბაკალავრებიც და მაგისტრანტებიც დააფინანსა სახელმწიფომ, რომლებმაც გამოცდები აგვიტოში, ან სექტემბერში ჩააბარეს. სხვა დანარჩენი სტუდენტების დაფინანსება არ მომხდარა, რადგან ეს პროგრამა ითვალისწინებდა 2008-2009 სასწავლო წლის სრულად დაფინანსებას. ვინც გამოცდები 2009 წელს ჩააბარა, იმას 2008 წელი როგორ დაუფინანსდებოდა? შესაბამისად არ მომხდარა იმ სტუდენტების სიაში შეტანა, რომლებმაც გამოცდები აგვისტო-სექტემბერში არ ჩააბარეს. რადგან ბიუჯეტიდან აგვისტოს თვეში აუცილებლად უნდა იყოს დაფინანსებული ყველა სტუდენტი”, _ განაცხადა ჯებისაშვილმა.

ბევრი დევნილი ლელა ოქროპირიძის მსგავს გაუგებრობაში აღმოჩნდა. მათ მაგისტრატურაში ხელისუფლების მხრიდან ხელშეწყობის იმედით ჩააბარეს, თუმცა თანხის გადაუხდელობის გამო, ლექციებს ვერ ისმენენ. საკუთარ ქვეყანაში დევნილად ქცეული მოსახლეობა ხელისუფლებისგან შეღავათებს ითხოვს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC