04:52, Wednesday, 15.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საქართველო მსოფლიოს არასტაბილურ ქვეყნებს შორის 33–ე ადგილზეა

20.08.2009
საქართველო მსოფლიოს არასტაბილური ქვეყნების რეიტინგში 33–ე ადგილს იკავებს. რეიტინგს გავლენიანი ამერიკული გამოცემა „ფორინ პოლისი“ აქვეყნებს. რეიტინგი სხვადასხვა ქვეყანაში 12 საკვანძო ინდიკატორის მიხედვით შედგა. მათ შორისაა ეკონომიკური ვარდნა, ადამიანის უფლებები, ქვეყნიდან ადამიანების მიგრაცია, მოსახლეობის კრიტიკუდი განწყობა მთავრობისადმი და სხვა.

რეიტინგს სათავეში სომალი უდგას, მას ზიმბაბვე და სუდანი მოსდევენ. საქართველოს კი რეიტინგში ლიბერიასა და სიერა–ლეონეს შორისაა.

საქართველო „ფორინ პოლისის“ კიდევ ერთ რეიტინგში მოხვდა. ქვეყანა იარაღის უმსხვილესი იმპორტიორების სიაში მე–9 ადგილზეა: „ფორინ პოლისის“ ცნობით, საქართველომ 2006–2007 წლებში 427 მილიონი დოლარის შეიარაღება შეისყიდა.

პარლამენტის იურიდიულ საკითხთა კომიტეტის თავმჯდომარის მოადგილე მურთაზ ზოდელავა აღნიშნულ რეიტინგს კატეგორიულად არ ეთანხმება და აცხადებს, რომ საქართველო არასტაბილური კი არა, ახალგაზრდა, მზარდი ეკონომიკისა და დემოკრატიული ინსტიტუტების ქვეყანაა.

„ფორინ პოლისზე“ გაცილებით გავლენიანი გამოცემები ჩვენთან მიმდინარე რეფორმებს მაღალ შეფასებებს აძლევენ და მათ რეიტინგებში ბევრად უკეთესი პოზიციები გვაქვს. რაც შეეხება ამ კონკრეტულ გამოცემას, ვერ გეტყვით რა კრიტერიუმებით შეგვაფასა და რატომ აღმოვჩნდით აფრიკულ ქვეყნებს შორის“–აცხადებს მურთაზ ზოდელავა.

სტატისტიკის დეპარტამენტის ყოფილი მაღალჩინოსნის სოსო არჩვაძის შეფასებით კი, რეიტინგში საქართველოს პოზიციების გაუარესება აგვისტოს ომის შედეგია. „ომი გრძელვადიან შედეგებს იძლევა, განსაკუთრებით კი ეკონიმიკაში. ომიდან რამდენიმე თვის შემდეგ იწყება ეკონომიკური ვარდნა, ინფლაცია, ინვესტიციების შემცირება  და სხვა. იგივე შეიძლება ითქვას სხვა სფეროებზეც. თუმცა ისიც უნდა აღინიშნოს, რომ ზოგადად რეიტინგები ქვეყნის განვითარების მიმართულების ვექტორს აჩვენებს და არა რეალურ მდგომარეობას“–აცხადებს სოსო არჩვაძე.

წყარო: რადიო „კომერსანტი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC