15:57, Wednesday, 20.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

არც საქონელი დაუბრუნეს და დააპატიმრეს კიდეც

25.09.2009
მაკა მალაყმაძე, ბათუმი

მოვაჭრე ემინე პეტრიძის კუთვნილი 1 612 ლარის ღირებულების საქონელი, გამომძიებელმა სხვა მოვაჭრეს გადასცა. ბაზრის ადმინისტრაცია საქმეში მონაწილეობას უარყოფს, საქმის გამომძიებელი მიხეილ აბაშიძე კი კომენტარს არ აკეთებს.

პეტრიძეს სავაჭრო ჯიხური შპს „ბაკურის“ კუთვნილ სავაჭრო ცენტრში საიჯარო ხელშეკრულებით ჰქონდა აღებული. მიმდინარე წლის აპრილის დასაწყისში მას პრობლემები  სხვა მოვაჭრესთან შეექმნა: „#209 ჯიხური, რომელსაც მე ვიყენებდი სავაჭრო საქმიანობისთვის, ჩემგან უნებართვოდ გატეხა ბაზრის სხვა მოვაჭრე ვაჟა ბერიძემ. იმ დროისათვის მე ჯიხურში მქონდა პურის ფქვილი (პატარა და დიდი ტომრებით), ჯამში 42 ტომარა. ასევე კომბინირებული საკვები საქონლისათვის - 52 ტომარა. ამ საქონლის შესაბამისი დოკუმენტაცია და ფული - 250 ლარი“.

ფაქტის გამო პეტრიძემ პოლიციის შესაბამის - თამარის დასახელბის განყოფილებას მიმართა. მოვაჭრეს ჯიხური დაუბრუნდა, თუმცა მასში არსებული სავაჭრო საქონელის გარეშე: „ჯიხური რომ ჩამაბარეს, მასში იყო ჩემი საქონელი, მაგრამ ისინი აღწერა გამომძიებელმა და მე არ დამიბრუნა. გამოსაძიებელი და ჯერ ვერ მოგცემთო“.

აღნიშნული საქონელი აქტის საფუძველზე იმავე სავაჭრო ცენტრს - „ბაკურს“ ჩაბარდა: „გამოძიებამ ითხოვა ჩვენგან თავისუფალი ფართი, სადაც შეიძლებოდა აღწერილი ქონების დროებით მოთავსება. ჩვენ გადავეცით მათ მოთხოვნილი ფართი. სხვა ჩვენ არანაირი მონაწილეობა არ მიგვიღია ამ საქმეში“, - განაცხადა სავაჭრო ცენტრ „ბაკურის“ დირექტორმა როსტომ მამუჭაძემ.

ადამიანის უფლებათა ცენტრის აჭარის ფილიალი გამომძიებელ მიხეილ აბაშიძეს დაუკავშირდა, თუმცა მან უპასუხოდ დატოვა კითხვა, თუ რატომ არ მოხდა საქონლის მესაკუთრისთვის დაბრუნება: „აღნიშნულ საქმეზე კომენტარს არ ვაკეთებ. საქმე დასრულებულია. თუკი მასალის გაცნობის სურვილი გაქვთ,  შესაბამისი ორდერი წარმოადგინეთ“, - გვითხრა მან.

ემინე პეტრიძემ აღნიშნულის გამო, ბათუმის რაიონულ პროკურორს ავთო კილაძეს მიმართა განცხადებით, რომლითაც ითხოვდა საქმის მასალების გამოკვლევასა და სწორ სამართლებრივ შეფასებას თუმცა, არაფერი შეცვლილა.

იმ დროს, როცა ადამიანის უფლებათა ცენტრი აღნიშნულ სტატიას ამზადებდა, ემინე პეტრიძე დააპატიმრეს. საბრალდებო დასკვნის მიხედვით, მას ბრალი თაღლითობაში ედება.

„აბრალებენ თითქოს სხვა მოვაჭრეს თაღლითურად 2 000 დოლარი გამოართვა საიჯარო ფართის ნაწილისთვის. ამის გამო დააპატიმრეს“, - აცხადებს მეუღლე სულიკო პეტრიძე.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC