07:11, Sunday, 05.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ევროსაბჭო საქართველოს ხელისუფლებას ეროვნული უმცირესობების პრობლემების მოგვარებას სთხოვს

15.10.2009
ევროსაბჭოს ეროვნული უმცირესობების უფლებათა დაცვის კონვენციაზე მომუშავე სათათბირო კომიტეტმა საქართველოსთან დაკავშირებით პირველი დასკვნა გამოაქვეყნა. 54 გვერდიან დოკუმენტში დაწვრილებითაა საუბარი იმ პრობლემებზე, რომლებიც ამ კუთხით საქართველოში შეიმჩნევა. დასკვნის თანახმად, ძირითად პრობლემას წარმოადგენს ენობრივი პრობლემები, რაც საქართველოში მცხოვრები უმცირესობების წარმოადგენლებს ქვეყნის პოლიტიკურ თუ სოციალურ-ეკონომიკურ ცხოვრებაში ინტეგრაციის პროცესს აფერხებს. ევროსაბჭო რეკომენდაციას უწევს საქართველოს ხელისუფლებას გადადგას უფრო ქმედითი ნაბიჯები ამ პრობლემების მოსაგვარებლად. „ადამიანის უფლებათა ცენტრი“ გთავაზობთ ამ დასკვნის ძირითად დებულებებს. დასკვნის სრული ტექსტი და საქართველოს მთავრობის კომენტარები შეგიძლიათ იხილოთ ჩვენსავე ვებ-გვერდზე. 

სტრასბურგი 12.10.2009. დღეს სათათბირო კომიტეტმა ეროვნული უმცირესობების დაცვის კონვენციის ფარგლებში, საქართველოზე თავისი პირველი დადგენილება გამოაქვეყნა. გარდა ამისა ქვეყნდება საქართველოს ხელისუფლების კომენტარები დადგენილების ტექსტთან დაკავშირებით. დადგენილება (რომელიც არ მოიცავს აფხაზეთსა და სამხრეთ ოსეთს) შემუშავებულია ქვეყანაში 2008 წლის დეკემბერის ვიზიტის შემდგომ.

მთავარი დასკვნები ასეთია:

სათათბირო კომიტეტი მიესალმება იმ ფაქტს, რომ საქართველოს მიერ კონვენციის რატიფიკაციამ ეროვნული უმცირესობების დასაცავად უფრო ღრმა, ლეგალური სტრუქტურის შექმნასთან დაკავშირებული დებატები გამოიწვია.

კომიტეტი საქართველოს მთავრობასა და ყველა პარტიას მოუწოდებს აფხაზეთსა და სამხრეთ ოსეთთან არსებული კონფლიქტის მშვიდობიანი გზით მოგვარებისკენ. ეს კონფლიქტი ხელს უშლის კონვენციის განხორციელებას მთელი საქართველოს ტერიტორიაზე.

მთავარი მოთხოვნაა - ეროვნული უმცირესობის წარმომადგენელთა ლინგვისტური უფლებების დაცვა. მათი უმრავლესობა სათანადოდ არ ფლობს ქართულ ენას. ქართული ენა ქვეყნის ოფიციალური ენაა და მთავრობის ძალისხმევა, შეუქმნას უმცირესობების წარმომადგენლებს ენის შესწავლის შესაძლებლობა არ არის საკმარისი ამ პრობლემის დასაძლევად.

ქართული ენის უპირატესობის პოლიტიკამ ზიანი არ უნდა მიაყენოს უმცირესობების მშობლიური ენის გამოყენების უფლებას და ეს უფლება საქართველოს ხელისუფლებამ უნდა უზრუნველყოს. ამიტომ აუცილებელია უფრო გადამჭრელი ზომების მიღება, როგორც საკანონმდებლო, ასევე პრაქტიკული თვალსაზრისითაც.

საჭიროა დამატებითი ზომების მიღება რათა განათლება, უმაღლესი განათლების ჩათვლით, იყოს თანაბრად ხელმისაწვდომი ეროვნული უმცირესობის წარმომადგენლებისთვის. ნაკლები რესურსების ინვესტირება უმცირესობათა ენების სწავლების საქმეში, ნიშნავს იმას, რომ მოსწავლეები, რომლებიც განეკუთვნებიან ეროვნულ უმცირესობას, არ არიან თანაბარ მდგომარეობაში დანარჩენ მოსწავლეებთან.

ეროვნული უმცირესობების წარმომადგენელთა ჩართულობა ქვეყნის პოლიტიკურ, კულტურულ, სოციალურ და ეკონომიკურ ცხოვრებაში კვლავაც შეზღუდულია. მთავრობამ უნდა მიიღოს გადამჭრელი ზომები რათა მოხსნას ის საკანონმდებლო და პრაქტიკული შეზღუდვები, რომლებსაც ისინი აწყდებიან. ეროვნული უმცირესობების წარმომადგენლებმა უნდა შეძლონ მონაწილეობის მიღება არჩევით და აღმასრულებელ ორგანოებში და იმუშაონ საჯარო სამსახურში. ისინი აგრეთვე უფრო მეტად უნდა ჩაერთონ ქვეყნის სოციალურ-ეკონომიკურ საქმიანობაში.

კომიტეტი წუხს რელიგიური დაძაბულობის ზრდაზე, რაც განსაკუთრებულ ზეგავლენას ახდენს ეროვნული უმცირესობების წარმომადგენლებზე.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC