06:08, Wednesday, 16.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ჟურნალისტები თავისუფალი სიტყვის მოთხოვნით გაერთიანდნენ

21.10.2009
ანა შეშაბერიძე

დღეს, რეგიონული მედიის ასოციაციისა და ჟურნალისტთა ქსელის ორგანიზებით პარლამენტის შენობის წინ აქცია გაიმართა. ტელეკომპანია „25-ე არხის“ მხარდასაჭერად რეგიონული ჟურნალისტები თბილისში შეიკრიბნენ.

2009 წლის 9 ოქტომბერს, ბათუმის საქალაქო სასამართლომ „25-ე არხს“ 277 547 ლარის გადახდა დააკისრა, რომელიც ტელეარხს ასლან აბაშიძის მმართველობის დროს დაუგროვდა. ამ დროს არხი მფლობელებს წართმეული ჰქონდათ. ჟურნალისტები სწორედ ამ ვალების ჩამოწერას ითხოვენ.

აქციის მონაწილეები ამ ფაქტს დევნად აფასებენ. მათი განცხადებით, ეს არის ხელისუფლების კურსი, რომელიც ყველანაირად ეწინააღმდეგება სიტყვის თავისუფლებას და ცდილობს ქვეყანაში მედია მაქსიმალურად გააკონტროლოს. 

აქციაზე პოზიციის დასაფიქსირებლად მისული იყო ჟურნალისტი ზვიად ქორიძე. „საზოგადოებას უნდა მივაწოდოთ ინფორმაცია იმის შესახებ, თუ რა ხდება რეალურად „25-ე არხთან“ დაკავშირებით, რადგან ეს არის ძალიან სერიოზული პრობლემა. ამ შემთხვავაში იხურება არხი, კიდევ ერთი საშუალება სიტყვის და გამოხატვის თავისუფლებისა“, - განაცხადა ქორიძემ.

აქციაზე ჟურნალისტების მხარდასაჭერად ახალგაზრდა იურისტთა ასოციაციის თავმჯდომარე თამარ ხიდაშელიც იმყოფებოდა. მისი თქმით, ყველამ ერთად უნდა ამოიღოს ხმა თავისუფალ მედიაზე ზეწოლის წინააღმდეგ. ხიდაშელი იმედს გამოთქვამს, რომ ხელისუფლება არ მიიყვანს საქმეს აჭარაში ერთადერთი თავისუფალი ტელეკომპანიის დახურვამდე.

აქციაში მონაწილეობა პოლიტიკოსებმა მიიღეს. ქრისტიან-დემოკრატების წარმომადგენლის, მაგდა ანიკაშვილის განცხადებით, პარტია ყველაფერს გააკეთებს იმისათვის, რომ შეჩერდეს დამოუკიდებელი მედიის პოლიტიკური დევნა და ჟურნალისტებს ნორმალურად მუშაობის საშუალება მიეცეთ. მისი განცხადებით, ქრისტიან-დემოკრატებმა უკვე დააყენეს საკითხი პარლამენტში.

საქართველოს რეგიონული მედიის ასოციაციის თავმჯდომარე ია მამალაძე არ გამორიცხავს, რომ ამ ხელისუფლების პირობებში მსგავსი საფრთხე მედიის სხვა საშუალებებსაც შეექმნათ. ის დარწმუნებულია, რომ პოლიტიკურ გადაწყვეტილებასთან გვაქვს საქმე, რადგან ეს დავალიანება ასლან აბაშიძის მმართველობის დროს არავის გახსენებია.

ამ ეტაპზე ტელეკომპანია „25-ე არხი“ ჩვეულ რეჟიმში განაგრძობს ფუნქციონირებას.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC