05:46, Sunday, 05.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბიუჯეტის გამჭვირვალობით საქართველო ნახევრად ღია ქვეყანათა რიცხვს მიეკუთვნება

28.01.2010
გელა მთივლიშვილი

ორგანიზაციამ „საერთაშორისო ბიუჯეტის პარტნიორობა“ (International Budget Partnership) სახელმწიფო ბიუჯეტების ღიაობის კვლევის შედეგები გამოაქვეყნა. 85 ქვეყანას შორის საქართველომ 53 ქულა მიიღო. საქართველო ჩამორჩება კორეას, პერუს, რუსეთს, უკრაინას, მაკედონიას და ა.შ.

„საერთაშორისო ბიუჯეტის პარტნიორობა“ ბიუჯეტების გამჭვირვალობის კვლევას და შეფასებას 2006 წლიდან, 85 ქვეყანაში, ყოველ 2 წელიწადში ერთხელ ახორციელებს. კითხვარი ბიუჯეტის გამჭვირვალობის თემაზე ასზე მეტი შეკითხვისგან შედგება. კითხვარს ქვეყნიდან ერთი ექსპერტი ავსებს და ორი ესქპერტი ამოწმებს. საქართველოში კითხვარს „საერთაშორისო გამჭვირვალობა - საქართველოს“ დირექტორი თამარ ქაროსანიძე ავსებს. 

„2006 – 2008 წლებში საქართველოს ქულა აჩვენებს, რომ მთავრობა სამოქალაქო საზოგადოებას სახელმწიფო ბიუჯეტზე არასრულ ინფორმაციას აწვდის. სახელმწიფო ბიუჯეტი არის მხოლოდ ნაწილობრივ გამჭვირვალე და მთავრობა ნაკლებად ანგარიშვალდებულია“, - განაცხადა თამარ ქაროსანიძემ.

კვლევის შედეგების მიხედვით, ქვეყნების 80%-ში მოქალაქეები არ იღებენ მონაწილეობას საბიუჯეტო პროცესში (ბიუჯეტის დაგეგმვა, აღსრულება, მონიტორინგი). გამოკითხული 85 ქვეყნიდან 41 ქვეყანაში ბიუჯეტზე მხოლოდ მინიმალური ინფორმაციაა ხელმისაწვდომი. 85 ქვეყნიდან 23 ქვეყანაში მოქალაქეებს არ აქვთ უფლება გაეცნონ ბიუჯეტს მანამ, სანამ მას პარლამენტი არ დაამტკიცებს.
„საერთაშორისო ბიუჯეტის პარტნიორობა“ ასკვნის, რომ ბიუჯეტის გამჭვირვალობა უშუალო კავშირშია ქვეყანაში დემოკრატიის ხარისხთან.

„საერთაშორისო ბიუჯეტის პარტნიორობის“ მიერ საქართველოს სახელმწიფო ბიუჯეტის გამჭვირვალობაზე გამოთქმულ შენიშვნებს ეთანხმება „ეკონომიკური პრობლემების ცენტრის“ ექსპერტი დავით ნარმანია.

ექსპერტის განმარტებით, ბიუჯეტს გამჭვირვალობის კუთხით პრობლემები მართლაც აქვს, თუმცა ფინანსთა სამინისტრომ ცენტრის მიერ გამოთქმული შენიშვნები და რეკომენდაციები თავის დროზე არ გაითვალისწინა.

„როდესაც „საერთაშორისო ბიუჯეტის პარტნიორობა“ ასეთი ტიპის კვლევას ატარებს,  ის არის საკმაოდ საფუძვლიანი და სიღრმისეული. კვლევა მოიცავს ძალიან ბევრ პარამეტრს, რითაც ამა თუ იმ ქვეყანაში ბიუჯეტის გამჭვირვალობა ფასდება. ამიტომ, ამ კვლევის შედეგებში ეჭვის შეტანა უბრალოდ უსაფუძვლოა. ვეთანხმები იმას, რომ საქართველოს ბიუჯეტს გამჭვირვალობასთან მიმართებაში პრობლემები მართლაც აქვს. ბიუჯეტის პროექტის მზადებისას, როდესაც ბიუჯეტის პრიორიტეტების გამოკვეთა ხდება, ამ პროცესებში საზოგადოების ჩართულობა ფაქტობრივად ნულის ტოლია. როდესაც საბიუჯეტო კოდექსი მზადდებოდა, ჩვენ გარკვეული რეკომენდაციები გქვონდა, მაგრამ ფინანსთა სამინისტრომ არ გაითვალისწინა და მათ მიერ წამოყენებული არგუმენტები იყო ძალიან სუსტი“, - აღნიშნავს დავით ნარმანია.
ექსპერტის აზრით, დღეისათვის გაურკვეველია თუ რაში იხარჯევა მხარჯავი დაწესებულებების ბიუჯეტი, რადგანაც მათ ხარჯებზე ინფორმაცია საჯარო არ ხდება.

„ბიუჯეტის არსებული ფორმატით ძნელია გაარკვიო თუ რაში ხარჯავენ ფულს მხარჯავი დაწესებულებები. როცა ცდილობ ხარჯების შესახებ ინფორმაცია მოიპოვო, შესაბამისი უწყებები ძალიან მწირ ინფორმაციას გაწვდიან. პრობლემა ხდება ასევე ბიუჯეტის პროგრამული დამუშავებაც, რადგანაც გამოქვეყნებული ბიუჯეტი არის ყოველთვის „პედეეფის“ ფორმატში და მისი დამუშავება პრაქტიკულად შეუძლებელია. ბიუჯეტი წარმოდგენილი უნდა იყოს ექსელის ფორმატში, რათა დაინტერესებულ ორგანიზაციებს თუ პირებს მასზე ანალიტიკური სამუშაოების ჩატარება შეეძლოთ“, - აცხადებს ნარმანია.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC