23:04, Monday, 21.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საკუთრების მორიგი ხელყოფის ფაქტს „ადამიანის უფლებათა ცენტრი“ სტრასბურგში გაასაჩივრებს

16.06.2010
ნინო გელაშვილი

15 ივნისს კერძო საკუთრების ხელყოფის მორიგ ფაქტთან დაკავშირებით „ადამიანის უფლებათა ცენტრში“ პრესკონფერენცია გაიმართა. საქმე ეხება „ფარმაკონ 11“-ის მესაკუთრეს, ნოდარ ბეგიაშვილს, რომელსაც საგადასახო სამსახურმა დავალიანების სახით 301472,95 ლარი დაარიცხა.

მესაკუთრე ნოდარ ბეგიაშვილი დაკისრებულ გადასახადს უკანონოდ მიიჩნევს და სასამართლოში ჩივის. საქალაქო სასამართლომ დავა მის სასარგებლოდ გადაწყვიტა, მაგრამ სააპელაციო სასამართლოში საპირისპირო შედეგი დადგა. ამჟამად საქმეს უზენაესი სასამართლო განიხილავს. სასამართლოს სხდომა 24 ივნისს არის ჩანიშნული. თუმცა, ბეგიაშვილი ზოგადი ტენდენციიდან და სააპელაციო სასამართლოს გადაწტვეტილებიდან გამომდინარე, ვარაუდობს, რომ გადაწყვეტილება უსამართლო იქნება.

ამავე დროს, მის მიერ კუთვნილი ფართი თბილისში, აღმაშენებლის გამზირზე მთავრობას აუქციონზე გამოაქვს და გაყიდვას სასამართლოს დასრულებამდე უპირებს. ბეგიაშვილმა უზენაეს სასამართლოს ამ პროცესის დროებით, სასამართლოს დასრულებამდე შეჩერება სთხოვა, მაგრამ უარი მიიღო.

„ადამიანის უფლებათა ცენტრის“ იურისტის, ნესტან ლონდარიძის თქმით, თუ ობიექტი პირველ აუქციონზე ვერ გაიყიდა, მისი ფასი მეორე აუქციონისთვის განახევრდება. ამის შემდგომაც თუ არ გაიყიდა, უსასყიდლოდ გადაეცემა სახელმწიფოს.

ბეგიაშვილი ეჭვობს, რომ მის ქონებას მყიდველი არც ერთ აუქციონზე არ გამოუჩნდება და ამ ფართის სახელწიფოსთვის ნაძალადევად ჩუქება მოუწევს.

ამ გამოცდილების გამო, ნოდარ ბეგიაშვილმა, 24 ივნისამდე დაიწყო მზადება სტრასბურგში, ადამიანის უფლებათა ევროპულ სასამართლოში საჩივრის შესატანად. ამაში მას „ადამიანის უფლებათა ცენტრი“ დაეხმარება. ცენტრის იურისტების თქმით, ისინი საქმეს უკვე კარგად იცნობენ და კერძო მესაკუთრის უფლებების სტრასბურგში დასაცავად მზად არიან.   

ადვოკატ ნიკოლოზ ლეგაშვილის განცხადებით, სტრასბურგში, ადამიანის უფლებათა ევროპის სასამართლოში საქართველოდან  გაგზავნილი სარჩელების რაოდენობა ბოლო წლებში განსაკუთრებით გაიზარდა. ასევე გაიზარდა საქართველოს წინააღმდეგ საქართველოს მოქალაქეების სასარგებლოდ გამოტანილი გადაწყვეტილებების რაოდენობა.

„ადამიანის უფლებათა ცენტრი“ ნოდარ ბეგიაშვილის საქმის მოგებაში დარწმუნებულია. ნიკოლოზ ლეგაშვილი სტრასბურგში სარჩელების გაგზავნაზე მუშაობს. მისი თქმით, სარჩელების რაოდენობის ზრდის ერთ-ერთი მიზეზია სტრასბურგის სასამართლოს ხელმისაწვდომობა ნებისმიერი მოქალაქისათვის. საქართველოს მოქალაქეებმა უკვე იციან, რომ ევროპის სასამართლო კარგი საშუალებაა საქართველოში შელახული უფლებების დასაცავად. მეორე მხრივ, საერთო სასამართლოებში და განსაკუთრებით ბოლო ინსტანციაში - უზენაეს სასამართლოში არ ითვალისწინებენ, რომ როგორი უსამართლო გადაწყვეტილებაც არ უნდა მიიღონ, იგი სტრასბურგში მაინც გასაჩივრდება. შესაბამისად, დიდწილად, დაკმაყოფილდება კიდეც. ასეთი მიდგომის გამო, წლიდან წლამდე საქართველოს სახელმწიფოს ბიუჯეტიდან სულ უფრო მეტი და მეტი კომპენსაციის გადახდა ეკისრება, რაც ეკონომიკური პრობლემების მქონე ქვეყნისთვის დიდი დარტყმაა.

2009 წელს ევროპის ადამიანის უფლებათა სასამართლომ საქართველოდან გაგზავნილი 11 სარჩელი განიხილა და 11-ვე მოსარჩელის სასარგებლოდ დააკმაყოფილა. აქედან 7 დარღვევა შეეხებოდა არაადამიანურ და პატივის შემლახავ მოპყრობას, 1 - ეფექტური გამოძიების შეუძლებლობას; 6 - თავისუფლებასა და უსაფრთხოებას; 1- პირადი ცხოვრების უპატივცემლობას

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC