აჭარაში რეპრესიები მძვინვარებს
მოძრაობა „კმარა“-ს განცხადება
ბათუმში კმარას აქტივისტების დაკავებასთან დაკავშირებით
6 იანვარს, საღამოს 10 საათზე, აჭარის ავტონომიური რესპუბლიკის უშიშროების სამინისტროს თანამშრომლებმა შესაბამისი სანქციის გარეშე და რიგი საკანონმდებლო ნორმების უხეში დარღვევით დააკავეს მოძრაობა „კმარას“ აქტივისტები და მათი ოჯახის წევრები. კერძოდ, დღეისათვის უკანონო პატიმრობაში იმყოფებიან ლევან ჩხარტიშვილი და მისი მამა რომეო ჩხარტიშვილი. ასევე დაკავებულნი არიან ირაკლი ხაჟომია და მისი მამა მერაბ ხაჟომია. სულ დაპატიმრებულია დაახლოებით 15 ადამიანი. უშიშროების სამინისტროს თანამშრომლებმა სანქციის გარეშე გაჩხრიკეს აქტივისტების საცხოვრებელი სახლები და, შევარდნაძისა და აბაშიძის რეჟიმისათვის დამახასიათებელი ე. წ. „ჩადების“ მეთოდით, „აღმოაჩინეს“ იარაღი და ნარკოტიკული ნივთიერებები.
აჭარის ხელისუფლების წარმომადგენელებმა ასევე უფლება არ მისცეს ახალგაზრდა იურისტთა ასოციაციის ადვოკატებს შესულიყვნენ მათი დაცვის ქვეშ მყოფ პირებთან.
მოძრაობა „კმარა“ აჭარის ხელისუფლებისაგან მოითხოვს უკანონოდ დაკავებული აქტივისტებისა და მათი ოჯახის წევრების დაუყოვნებლივ გათავისუფლებას.
მოძრაობა „კმარა“ ასევე მიმართავს საქართველოს მთავრობასა და საერთაშორისო თანამეგობრობას შესაბამისი რეაგირება მოახდინონ ადამიანის უფლებების დარღვევის მორიგ ვანდალურ აქტზე აჭარის ავტონომიური რესპუბლიკის ხელისუფლების მხრიდან.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
