პოლიციამ თერჯოლაში საპროტესტო აქციის მონაწილეები დააკავა
11 იანვარს პოლიციამ საპროტესტო დემონსტრაცია დაარბია, რომელიც გამართული იყო ეგრეთ წოდებული "კანონიერი ქურდის" ზაზა ამბროლაძის დაპატიმრებას საპროტესტოდ.
11 იანვარს თერჯოლის რაიონის სოფელ ჭიშურასთან რამდენიმე საათით გადაკეტილი იყო დასავლეთ საქართველოს ცენტრალური საავტომობილო მაგისტრალი. აქციის მონაწილეები ეგრეთ წოდებული "კანონიერი ქურდის" ზაზა ამბროლაძის დაპატიმრებას აპროტესტებდნენ.
პოლიციის მხრიდან რამდენიმე გაფრთხილების მიუხედავად, აქციის მონაწილეებმა გზის გახსნაზე უარი განაცხადეს, რის შემდეგაც სამართალდამცავებმა აქცია დაშალეს, რისთვისაც ძალა გამოიყენეს, კერძოდ, ხელკეტები. დემონსტრაციის რამოდენიმე მონაწილე დააკავეს, რომელთა შორისაც ოთხი ქურდობისა და ყაჩაღობისათვის რამდენჯერმე არის ნასამართლევი.
პოლიციის ვარაუდით, აქციის ორგანიზატორი იყო ადამიანის უფლებათა დამცველი ერთ–ერთი ორგანიზაციის ხელმძღვანელი ლალი აფციაური, რომელიც დირექტივებს ახლო მდებარე საცხოვრებელი სახლიდან მობილური ტელეფონის საშუალებით იძლეოდა.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
