კიდევ ერთი თავდასხმა ბათუმში
გუშინ საღამოს დაარბიეს აჭარის ავტონომიური რესპუბლიკის ქრისტიან-დემოკრტიული რეგიონული კავშირის თავმჯდომარის თემურ დარჩიას სავაჭრო ცენტრი. დარჩია მომხდარს უკავშირებს მის პოლიტიკურ შეხედულებებს და აცხადებს, რომ ზემოქმედება ადრეც ყოფილა, თუმცა არ გასცილებია მუქარის ფარგლებს.
ქრისტიან-დემოკრატიული კავშირის პრეს-მდივანის ნატო იმნაძის განცხადებით, კავშირის წევრებზე ზეწოლა ყოველთვის ხორციელდებოდა, რაც აჭარის ავტონომიური რესპუბლიკის ლიდერისგან მოდიოდა. იგი არ გამორიცხავს, რომ გუშინდელი დარბევაც აჭარის ადგილობრივი ხელისუფლების უშუალო ხელმძღვანელობით განხორციელდა.