მომიტინგეთა დარბევა აჭარაში
გუშინ აჭარა სააკაშვილისა და აბაშიძის მომხრეებს შორის მორიგი დაპირისპირების ცენტრი იყო.
როგორც ცნობილია გუშინ პრეზიდენტი საააკაშვილი ბათუმში ჩავიდა, სადაც მან აღლუმი ჩაიბარა. პრეზიდენტის მომხრეებმა თავი ნავსაყუდელის ტერიტორიაზე მოიყარეს და შეძახილებით ამხნევებდნენ მას.
ბათუმში სიტუაცია პრეზიდენტის წასვლის შემდეგ დაიძაბა, როცა პოლიციის სპეცრაზმმა პრეზიდენტის მომხრეები დაარბია, თუმცა ამჯერად ადგილი არ ჰქონია სერიოზულ ანგარიშსწორებას.
მიუხედავად დარბევისა, მათ მაინც განაგრძეს მსვლელობა ბათუმის ქუჩებში და ერთ-ერთ ქუჩაზე შეეჯახნენ აბაშიძის მომხრეებს, რომელთაც მიტინგი წინასწარ ჰქონდათ დაგეგმილი, თუმცა სააკაშვილის მოულოდნელი ვიზიტის გამო გეგმები შეცვალეს. საბედნიეროდ შეტაკება არ მომხდარა.