ქუთაისელი პედაგოგები გაფიცულები არიან
უკვე რამოდენიმე დღეა, პედაგოგთა დამოუკიდებელი პროფკავშირის „სოლიდარობის“ ინიციატივით, ქუთაისში პედაგოგთა გამაფრთხილებელი გაფიცვა მიმდინარეობს. ამჟამად გაფიცულია ქუთაისის 40 ზოგადსაგანმანათლებლო სკოლის, 12 სკოლა-ლიცეუმის, ოთხი გიმნაზიის რამდენიმე ათასი პედაგოგი. ისინი გაკვეთილების ჩატარებაზე უარს აცხადებენ, ვიდრე ადგილობრივი ხელისუფლებისაგან არ მიიღებენ ოფიციალურ დოკუმენტებს დეკემბერ-იანვრის თვის ხელფასების 20%-იანი დანამატებით გაცემის შესახებ.
პედაგოგები აპირებენ მიმართონ პროტესტის უკიდურეს ზომას - მჯდომარე აქციების გამართვას და შიმშლობას, თუ კი არ მიიღებენ კუთვნილ თანხას.