განათლების პერსპექტივა პატიმარი ქალებისათვის
ქალთა სასჯელაღსრულებით დაწესებულებაში იუსტიციის სამინისტროს ინიციატივითა და თბილისის დამოუკიდებელი უნივერსიტეტის რესურსებით, მსჯავრდებულებს უმაღლესი განათლების მიღების საშუალება ეძლევათ. უმაღლესი განათლების მიღება პატიმართა უფლებას წარმოადგენს, რაც პატიმრობის შესახებ კანონშია გათვალისწინებული.
თბილისის დამოუკიდებელი უნივერსიტეტის რექტორატისა და სასჯელაღსრულებითი დეპარტამენტის ხელმძღვანელობის ურთიერთშეთანხმების საფუძველზე ქალთა კოლონიაში მიმდინარეობს საქველმოქმედო სასწავლო პროგრამა. ორი დღის წინ აღნიშნულ დაწესებულებაში უნივერსიტეტის პირველკურსელმა მსჯავრდებულებმა პირველი სემესტრის გამოცდები ჩააბარეს.
უნივერსიტეტის ბაზაზე სწავლის სურვილი 422-მა პატიმარმა გამოთქვა. მათ შესაძლებლობა ჰქონდათ თავად აერჩიათ სასურველი ფაკულტეტები. პატიმრებს შორის არიან ჟურნალისტიკის, უცხო ენების, ფსიქოლოგიისა და სხვა დარგების შესწავლის მსურველები, მაგრამ მათი უმეტესობა იურიდიული და ეკონომიკური ურთიერთობების ფაკულტეტებს ირჩევენ. პირველკურსელ პატიმრებს ფაკულტეტების მიხედვით დაურიგდათ სპეციალური ლიტერატურა. იმ შემთხვევაში თუ პატიმრები სწავლის პერიოდში გათავისუფლდებიან სასჯელისაგან, მათ შეეძლებათ უფასოდ განაგრძონ სწავლა უნივერსიტეტში.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
