19:41, Thursday, 25.08.2016
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ფონდი „სამართლიანი არჩევნების“ მიმართვა

17.03.2004

ფონდი „სამართლიანი არჩევნების“ მიმართვა

15 მარტს, აჭარაში ბათუმის სახელმწიფო უნივერსიტეტის წინ დაარბიეს სტუდენტებისა და ლექტორების მშვიდობიანი აქცია, რომელიც ხელისუფლებას მოუწოდებდა კონფლიქტის მშვიდობიანი გზით მოგვარებისკენ, მოქალაქეებისათვის იარაღის დარიგების შეწყვეტისკენ. აქციის მონაწილეებს შორის იყვნენ ფონდი „სამართლიანი არჩევნების“ დამკვირვებლები და კოორდინატორები. მშვიდობიანი აქცია დაარბია სამოცი ადამიანისაგან შემდგარმა შეიარაღებულმა ფორმირებამ. დამრბევებმა ფიზიკური და მორალური შეურაცხყოფა მიაყენეს აქციის მონაწილეებს.

აქციის მონაწილეთა წინააღმდეგ მიმართული ქმედებები ეწინააღმდეგება ზნეობრივ, მორალურ და კანონით განსაზღვრულ ნორმებს, უხეშად არღვევენ ადამიანის უფლებათა საყოველთაოდ აღიარებულ საერთაშორისო დოკუმენტებს და საქართველოს კონსტიტუციას, რომელიც აღიარებს ყველა მოქალაქის უფლებას წინასწარი ნებართვის გარეშე შეიკრიბოს საჯაროდ და უიარაღოდ, როგორც ჭერქვეშ, ისე გარეთ.

ამავდროულად, ვითვალისწინებთ რა იმას, რომ ძალადობის მითითებულმა ფაქტებმა და დაძაბულმა სიტუაციამ შეიძლება უარყოფითი გავლენა მოახდინოს 28 მარტს ჩასატარებელ საპარლამენტო არჩევნებზე, ფონდი „სამართლიანი არჩევნები“ მოუწოდებს ხელისუფლებას, საერთაშორისო ორგანიზაციებს, საერთაშორისო საზოგადოებას და მედიის წარმომადგენლებს შესაბამისი რეაგირება მოახდინონ აღნიშნულ დარღვევებთან დაკავშირებით.

ადამიანის უფლებათა საინფორმაციო და სადოკუმენტაციო ცენტრი უერთდება „სამართლიანი არჩევნების“ განცხადებას და უკიდურეს შეშფოთებას გამოთქვამს უკანასკნელ პერიოდში საქართველოში ადამიანის უფლებათა გახშირებული დარღვევების გამო.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, როგორია წინასაარჩევნო გარემო?
სამართლიანი არასამართლიანი მიჭირს პასუხის გაცემა

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2016 HRIDC