აჭარაში ჟურნალისტებს ფიზიკურად გაუსწორდნენ

აჭარაში ჟურნალისტებს ფიზიკურად გაუსწორდნენ

ტელეკომპანია რუსთავი 2 -ის გადამღებ ჯგუფს აჭარაში ფიზიკურად გაუსწორდნენ.

გუშინ ჩოლოქთან რუსთავი 2 -ის ჟურნალისტებს - მაკა ფანქველაშვილსა და მის ოპერატორს სასტიკად სცემეს და კამერაც დაუმტვირეს. მოგვიანებით კი ქობულეთში რუსთავი 2 -ის მეორე გადამღები ჯგუფი - ნესტან ცეცხლაძე და მისი ოპერატორი გალახეს.

ისინი ქობულეთში გაერთიანებული ოპოზიციის მიერ გამართულ მიტინგს იღებდნენ, რომლებიც ითხოვდნენ ქობულეთში განმეორებითი არჩევნების ჩატარებას. ასლან აბაშიძის მომხრეები მიტინგის დარბევისას დემონსტრანტებთან ერთად ფიზიკურად გაუსწორდნენ ჟურნალისტებსაც. 

დაშავებულია რამოდენიმე ადამიანი, მათ შორის ზოგს მიღებული აქვს მძიმე დაზიანება.