მორიგი დარბევა ბათუმში
დღეს ბათუმში სპეცნაზის მიერ სასტიკად იქნა დარბეული გაერთიანებული ოპოზიციის მშვიდობიანი დემონსტრაცია. მომიტინგენი პოლიტპატიმრების განთავისუფლებას და აჭარის პარლამენტის ვადამდელი არჩევნების ჩატარებას მოითხოვდნენ.
რამდენიმე ათეული მომიტინგე, მათ შორის მრავალი ქალი სასტიკად იქნა ნაცემი ჯოხებისა და ხელკეტების გამოყენებით. ნაცემთა შორის არის ასევე ტელეკომპანია „რუსთავი2“-ის ოპერატორი ალეკო თვარაძე, რომელსაც დაუმტვრიეს კამერა. დამტვრეული იქნა ასევე რამდენიმე სხვა ჟურნალისტის ფოტოკამერაც.