საქართველო პრესის თავისუფლების ხარისხით 115–ე ადგილზეა
პრესის უფლებების დამცველმა საერთაშორისო ორგანიზაციამ „Freedom House“, პრესის თავისუფლების საერთაშორისო დღეს 3 მაისს გამოაქვეყნა 2004 წლის მონაცემები მსოფლიოში პრესის თავისუფლების მდგომარეობის შესახებ. აღნიშნული ორგანიზაცია პრესის თავისუფლებას სამ კატეგორიად ყოფს: თავისუფალი, ნახევრად თავისუფალი და არათავისუფალი.
პრესის თავისუფლების ყველაზე მაღალი ხარისხი დანიაშია, მას მოსდევს შვედეთი, ისლანდია, ბელგია, ნორვეგია, შვეიცარია და სხვები. არათავისუფალ კატეგორიაში მოხვდნენ ჩრდილოეთ კორეა, კუბა, თურქმენეთი, ბირმა, ლიბია და სხვა.
დსთ–ს რესპუბლიკებიდან პრესის თავისუფლების ხარისხის მიხედვით პირველ ადგილზე საქართველოა, მსოფლიოში კი 115 ადგილზეა და მან შესაბამისად ნახევრად თავისუფალი ქვეყნის სტატუსი მიიღო.