რუსთავში არასამთავრობო ორგანიზაციის წარმომადგენელს სცემეს
არასამთავრობო ორგანიზაცია „ყოფილი პოლიტპატიმრები – ადამიანის უფლებებისათვის“ რუსთავის ფილიალის ხელმძღვანელს ლევან სახვაძეს რუსთავში სცემეს. სახვაძის თქმით, შემთხვევა 4 მაისს მოხდა. თავდასხმის შედეგად მან მიიღო სხეულის სხვადასხვა ნაწილის დაზიანება, მათ შორის სისხლჩაქცევები აღენიშნება სახეზეც. აღსანიშნავია, რომ მისთვის თავდამსხმელებს ფული და მობილური ტელეფონი არ წაურთმევიათ. აღნიშნულთან დაკავშირებით სახვაძემ რუსთავის პოლიციას მიმართა, სადაც სისხლის სამართლის საქმე აღიძრა სხეულის განზრახ დაზიანების მუხლით. დაზარალებულს ჩაუტარდა სასამართლო–სამედიცინო ექსპერტიზა.