ზეწოლა არასამთავრობო სექტორზე
„თავისუფლების ინსტიტუტი“ ხელისუფლების მხრიდან არასამთავრობო სექტორზე ზეწოლის საფრთხეზე ალაპარაკდა. ორგანიზაციის წარმომადგენლების გაცხადებით, ქუთაისის საოლქო სასამართლომ ფინანსურ პოლიციას მასწავლებელთა თავისუფალ პროფკავშირ „სოლიდარობაში“ შესვლისა და შემოწმების უფლება მისცა. „სოლიდარობა“ გრანტის სახით თანხებს „ევრაზიის ფონდიდან“ იღებს.
„თავისუფლების ინსტიტუტის“ წარმომადგენლებმა ხელისუფლებას შეახსენეს, რომ სახელმწიფოს გრანტების ხარჯვის გაკონტროლების უფლება არა აქვს და მსგავსი მცდელობა საფრთხეს უქმნის არასამთავრობო სექტორის თავისუფალ საქმიანობას.