გარემოვაჭრეები დასაქმებას ითხოვენ
თბილისში გარემოვაჭრეები ისევ ქუჩაში გამოვიდნენ. ისინი მოითხოვენ, რომ ხელისუფლებამ ისინი ან დაასაქმოს ან ისევ ქუჩაში ვაჭრობის უფლება მისცეს. ორსაათიანი აქციის შემდეგ გარემოვაჭრეები დაიშალნენ, მაგრამ მათთვის არავის მიუცია პირობა, რომ მოთხოვნებს შეასრულებენ. გარემოვაჭრეები უფრო გრანდიოზული მასშტაბის აქციის გამართვით იმუქრებიან. ისინი ამბობენ, რომ ახალი ხელისუფლების ქვეყნის სათავეში მოსვლის შემდეგ გაჩნდა უფრო მეტი უმუშევარი, ხოლო გარემოვაჭრეებს ამ ხელისუფლებამ ლუკმაპურიც კი წაართვა. მიუხედავად ამისა ქალაქის მერია ფიქრობს, რომ გარემოვაჭრეების პრობლემა საბოლოოდ მოაგვარეს.