კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

ფსიქიატრიული ექსპერტიზის დასკვნა - პატიმრის ნაბიჯი თავისუფლებისაკენ

14 ივნისი, 2004


ფსიქიატრიული ექსპერტიზის დასკვნა - პატიმრის ნაბიჯი თავისუფლებისაკენ

შეურაცხადი პოლიცია საზოგადოებრივი უსაფრთხოების დაცვის სამსახურში

დღეს, კავშირში „კონსტიტუციის 42-ე მუხლი“ გაიმართა პრეს-კონფერენცია, რომელიც მიეძღვნა უკანასკნელ პერიოდში საქართველოში დამკვიდრებულ ყოვლად შემაძრწუნებელ პრაქტიკას, რომლის მიხედვითაც განსაკუთრებით საშიში დამნაშავეები ფსიქიატრიული ექსპერტიზის „წყალობით“ ციხის მიღმა რჩებიან.

პრეს-კონფერენციაზე აღინიშნა, რომ ამ პრაქტიკას საფუძველს უქმნის როგორც კანონმდებლობა, ასევე ღრმად დამკვიდრებული დაუსჯელობის სინდრომი.

ადვოკატ თამარ გაბისონიას განცხადებით, ზემოაღნიშნული პრაქტიკის კლასიკური მაგალითია კრიმინალური პოლიციის უფროსის პეტრე რუხაძის შეურაცხადად აღიარება. პეტრე რუხაძე ღამის საათებში იმყოფებოდა რა შემოვლაზე ოპერატიული ჯგუფის წევრებთან ერთად, შენიშნა უცხო ავტომანქანა და სრულიად უსაფუძვლოდ მასში მსხდომი პირები საშიშ დამნაშავეებად მიიჩნია.

მან უხეშად დაარღვია კანონი „პოლიციის შესახებ“ და სამსახურეობრივი მოთხოვნების საწინააღმდეგოდ ქონებული სანადირო თოფით თავის არეში ესროლა მძღოლის გვერდით მჯდომ პიროვნებას, ხოლო მძღოლს, რომელიც შეეცადა ამ სიტუაციას გარიდებოდა, იმავე სანადირო თოფიდან გაუხსნა ცეცხლი. ამ გასროლას შეეწირა როგორც ავტომანქანის მძღოლი მანუჩარ მაჩაიძე, ასევე ოპერატიული ჯგუფის წევრი ავთანდილ ლაშაური.

სტაციონარულ სასამართლო-ფსიქიატრიულმა ექსპერტიზამ დაადგინა, რომ დანაშაულის ჩადენის მომენტში პეტრე რუხაძე იმყოფებოდა შეურაცხად მდგომარეობაში. „ალოგიკური და აბსურდულია ექსპერტის დასკვნაში მითითებული საფუძველი, რომ პეტრე რუხაძე იარაღის დანახვისას ჩავარდა აფექტის მდგომარეობაში, მაშინ როდესაც მას როგორც ესოდენ საპასუხისმგებლო თანამდებობაზე მყოფ პოლიციის მუშაკს ყოველდღიური შეხება ჰქონდა იარაღთან და პერიოდულად გადიოდა სამედიცინო შემოწმებას“, - განაცხადა ადვოკატმა მაკა გიოშვილმა. ექსპერტის დასკვნა სრულ წინააღმდეგობაშია საქმეში არსებულ მასალებთან და არ ასახავს რეალურ ფაქტებს.

ადვოკატი ლია მუხაშავრია სავალალოდ მიიჩნევს იმ ფაქტს, რომ დღეს საქართველოში სისხლის სამართლის საქმე აღძრულია 13 ექსპერტის წინააღმდეგ და ფაქტიურად ყველა დასკვნა ეჭვსქვეშ დგება, თუმცა რამდენად მოხერხდება მათი უკანონობის დადგენა ეს მეორე საკითხია. ამიტომაც უნდა შეიქმნას მექანიზმი, რომელიც უზრუნველყოფს ალტერნატიული ექსპერტიზის დანიშვნას და დასკვნათა გადასინჯვას.

ინფორმაცია მოგვაწოდა კავშირმა „კონსტიტუციის 42-ე მუხლმა“

ახალი ამბები