პრეზიდენტს სახალხო დამცველის კანდიდატურა წარუდგინეს
6 ივლისს გაიმართა არასამთავრობო ორგანიზაციების შეხვედრა საქართველოს პრეზიდენტთან, სადაც სახალხო დამცველის პოსტზე დასახელდა არასამთავრობო ორგანიზაცია „თავისუფლების ინსტიტუტი“–ს წევრი სოზარ სუბარი. სახალხო დამცველის კანდიდატურას პრეზიდენტი უახლოეს სხდომაზე პარლამენტს განსახილველად წარუდგენს.
აღსანიშნავია, რომ შეხვედრაზე არ იყო მიწვეული მრავალი დამოუკიდებელი არასამთავრობო ორგანიზაცია, რომელიც ფოკუსირდება ადამიანის უფლებებზე და მნიშვნელოვან საქმიანობას ეწევა ამ სფეროში.