ჰელსინკის კომისია ლაშა ჩახვაძის პატიმრობის საკითხს განიხილავს
აშშ-ს კონგრესის ადამიანის უფლებათა დაცვის ჰელსინკის კომისია მომავალ კვირას ბათუმელი სტუდენტის ლაშა ჩახვაძის პატიმრობის საკითხს განიხილავს. როგორც დაკავებულის ადვოკატმა ქეთი ბექაურმა განაცხადა, ლაშა ჩახვაძე და მასთან ერთად თებერვალში დაკავებული მერაბ მიქელაძე არასამთავრობო სექტორმა და პარლამენტის ადამიანის უფლებათა დაცვის კომიტეტის თავჯდომარემ პოლიტიკურ პატიმრად მიიჩნიეს. მოგვიანებით კი აღნიშნულის შესახებ ინფორმაცია საერთაშორისო ოგანიზაციებსაც მიაწოდეს.
ლაშა ჩახვაძე და მერაბ მიქელაძე აჭარის ყოფილი ლიდერის ასლან ასლან აბაშიძის მხარდამჭერებად ითვლებოდნენ.ისინი თბილისში 24 თებერვალს იარაღის უკანონო ტარებისთვის დააკავეს.