16:49, Friday, 15.01.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ნარკომანები პროკურატურაში

27.07.2004

 ნარკომანები პროკურატურაში

 

თბილისი.26.07.04. მედია–ნიუსი. თბილისის რაიონების პროკურატურებიდან ნარკოტიკული ნივთიერებების მოხმარების გამო ექვსი თანამშრომელი დაითხოვეს. გენერალური პროკურორის სახელზე გაკეთებულ წარდგინებას მათი სამსახურიდან გათავისუფლების შესახებ თბილისის პროკურორმა ვალერი გრიგალაშვილმა სპეციალურ ბრიფინგზე, ჟურნალისტების თანდასწრებით მოაწერა ხელი.

 

როგორც გრიგალაშვილი აცხადებს, ოთხ მათგანს შემოწმება ჩაუტარდა და დადგინდა, რომ ისინი ნარკოტიკების მომხმარებლები არიან. ორმა შემოწმებას თავი აარიდა, თუმცა არსებობს უტყუარი მტკიცებულებები, რომ ისინი ნარკოტიკების აქტიური მომხმარებლები არიან და შემოწმებას სწორედ ამიტომ აარიდეს თავი.

პროკურორის თანამშრომლებს შემოწმება 22–24 ივლისს ჩაუტარდათ. გრიგალაშვილს ექსპერტების დასკვნის ობიექტურობაში ეჭვი არ ეპარება, რადგან ისინი მკაცრად იყვნენ გაფრთხილებული.

 

თბილისის პროკურორმა სამსახურიდან დათხოვნილი პროკურორის თანამშრომლების გვარების დაკონკრეტებისაგან თავი შეიკავა და ამის მიზეზად მათი ოჯახის წევრების თხოვნა დაასახელა.

„ჩვენ მათ თხოვნას ანგარიში გავუწიეთ. თავისთავად უბედურებაა, როცა პროკურორის ოპერატიული თანამშრომელი ნარკოტიკების მომხმარებელია, თუმცა ოჯახის წევრების თხოვნა ადასტურებს, რომ ეს ფაქტი საქართველოში ჯერ კიდევ სირცხვილად ითვლება“– აღნიშნა გრიგალაშვილმა.

 

მისივე თქმით, კანონი ამ ეტაპზე მხოლოდ ადმინისტრაციულ სასჯელს ითვალისწინებს. მომავალში კი, თუ აღნიშნულ პირებს შემოწმება კიდევ ჩაუტარდებათ და ექსპერტიზა იგივე დასკვნა გააკეთებს, მაშინ მათ წინააღმდეგ სისხლის სამართლის საქმე იქნება აღძრული.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC