ბათუმში მოვაჭრეთა აქციები განახლდა
ბათუმი.26.07.04.მედია–ნიუსი. ბათუმის ცენტრალურ ბაზართან დილიდან 300–მდე მოვაჭრის საპროტესტო აქცია განახლდა. აქციის მონაწილეების განცხადებით, მათ არ აკმაყოფილებთ შეთავაზებული ადგილები ბონის სავაჭრო ცენტრში, რადგან იქ არ არის შესაბამისი პირობები და ძველ ადგილებზე დაბრუნება ურჩევნიათ. თავად აჭარის მთავრობის თავმჯდომარემ ლევან ვარშალომიძემ ისინი უკვე გააფრთხილა, რომ ბათუმში მსგავს აქციებს აღარ დაუშვებს. ამასთან , უკვე აღიძრა სისხლის სამართლის საქმე აქციის ორგანიზატორების წინააღმდეგ.აქციის მონაწილეები ამ ფაქტს აპროტესტებენ და აცხადებენ, რომ აჭარის ახალმა ხელისუფლებამ მათ იმედი გაუცრუვა.