ზუგდიდში გარემოვაჭრეები პოლიციას დაუპირისპირდნენ
ზუგდიდი.29.07.04.მედია-ნიუსი. ზუგდიდის ცენტრალურ ბაზართან 100-მდე გარემოვაჭრის საპროტესტო აქცია გაიმართა. ისინი პოლიციას წინააღმდეგობას უწევენ და კუთვნილი ჯიხურების აღების საშუალებას არ აძლევენ.როგორც აქციის მონაწილეები აცხადებენ, პოლიციასა და ბაზრის ხელმძღვანელობას მათ მაგიერ სხვა პირებისთვის ადგილების გამოთავისუფლება აქვთ გადაწყვეტილი.ბაზრის შესასვლელთან მობილიზებული იყო სპეცნაზი, რომლის წარნომადგენელთა თქმით, გარევაჭრობა ერთხელ და სამუდამოდ უნდა აღიკვეთოს, თუმცა შეეცდებიან, გარემოვაჭრეთა კანონიერი უფლებებიც დაიცვან.