პანკისის ხეობაში სპეცოპერაციისას რამდენიმე ადამიანი დააკავეს
ახმეტა.03.08.04.მედია-ნიუსი. პანკისის ხეობის ექვსივე სოფელში უშიშროების სამინისტრომ 3 აგვისტოს გამთენიისას სპეცოპერაცია ჩაატარა. იარაღის უკანონოდ შენახვისა და ტარების ბრალდებით დააკავეს თერთმეტი ადამიანი, მათგან ცხრა უკვე გაათავისუფლეს. სპეცოპერაციის დროს გაიჩხრიკა როგორც ჩეჩნეთიდან ლტოლოვილების, ისე ადგილობრივი ქისტების საცხოვრებელი სახლები.
ამჟამად პანკისის ხეობაში შესასვლელი გზა ჩაკეტილია. სოფელ დუისში კი მოსახლეობა სპეცოპერაციას აპროტესტებს და აქციას მართავს. მათი მტკიცებით, ჩხრეკა და დაკავება უკანონოდ მოხდა.