„ხალხის გაზეთის“ რედაქტორი პატიმრობიდან გაათავისუფლეს
გორი. 06.08.04. მედია-ნიუსი. გორის სასამართლოს გადაწყვეტილებით “ხალხის გაზეთის“ რედაქტორი რევაზ ოქრუაშვილი, მასსა და პროკურატურას შორის პროცესუალური შეთანხმების საფუძველზე პატიმრობიდან გაათავისუფლეს. ეს შეთანხმება კონფიდენციალურია და ორივე მხარე მის კონკრეტულ დეტალებზე საუბრისაგან თავს იკავებს.
სამართალდამცავთა განმარტებით, ბრალდებულსა და პროკურატურას შორის მიღწეული პროცესუალური შეთანხმება დამნაშავის მხრიდან დანაშაულის აღიარებას ითვალისწინებს.
როგორც ცნობილია, რევაზ ოქრუაშვილი სამართალდამცავებმა ნარკოდანაშაულის ბრალდებით 2 აგვისტოს დააკავეს.