ბათუმის ცენტრალურ ბაზარში სპეცოპერაციისას 12 ადამიანი დააკავეს
თბილისი. 02.09.04. მედია-ნიუსი. პარლამენტარ ზვიად ძიძიგურის ინფორმაციით, აჭარის ავტონომიური რესპუბლიკის სამართალდამცავების მიერ ქალაქ ბათუმის ცენტრალური ბაზრის დარბევისას დაკავებულია 12 ადამიანი - საქართველოს ერთიანობის კავშირის კოორდინატორი ჯუმბერ თავართქილაძე, აგრეთვე, გიორგი ნოღაიდელი, რევაზ მგელაძე, ვაჟა ართმელაძე, ბადრი შაინიძე, კობა კაკაბაძე, ედნარ ხოხბა, ჯემალ მიქელაძე, ალეკო ქინქლაძე, მინდია ტაბატაძე, არსენ მგელაძე, კახა ძოძუაშვილი.
როგორც ძიძიგური აცხადებს, თითოეული მათგანი პოლიტიკური პატიმარია და თუ უახლოეს ერთ დღეში არ იქნებიან გათავისუფლებული, საქართველოს ერთიანობის კავშირის წევრები შიმშილობის ფართომასშტაბიან აქციას დაიწყებენ.
შეგახსენებთ, რომ 2 სექტემბერს სპეცრაზმმა მოვაჭრეებს ბაზრის შენობა ძალით დაატოვებინა.