აფხაზეთში ტრეფიკინგს კიდევ რამოდენიმე მსხვერპლი გამოექცა
თვენახევრის განმავლობაში ქართველ სამართალდამცველებს აფხაზეთის ტერიტორიაზე მონურ შრომას გამოქცეულმა უკვე მეოთხე ადამიანმა მიაკითხა. ტრეფიკინგის ერთერთი მსხვერპლის განცხადებით, ეროვნებით აფხაზმა ბიზნესმენმა მას და 15 მის მეგობარს გაგრის სასტუმრო „არმენიაში“ სარემონტო სამუშაოების ჩატარებაში თითოეულს 1000-1000 დოლარს შეპირდა, ასევე რუსეთის მოქალაქეობის მიღებასა და სოხუმში საცხოვრებელ სახლს. თუმცა, სამუშაოს შესრულების შემდეგ მხოლოდ 800 რუსული რუბლი გადასცეს. მუშების მიერ პროტესტის გამოთქმას აფხაზი დამქირავებლების მხრიდან არაერთხელ ცემა და დაპირებული საცხოვრებლისა და მოქალაქეობის ნაცვლად, უკვე მიცემული თანხის წართმევა მოჰყვა.
როგორც საქართველოს უშიშროების სამსახურის აფხაზეთის უშიშროების მთავარი სამსახური აცხადებს, ეს შემთხვევა ამ წლის განმავლობაში უკვე მე-5-ეა. წელს აფხაზეთიდან ტრეფიკინგს ორჯერ - თურქი და ორჯერ - სომხეთის მოქალაქეები გამოექცნენ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
