აშშ საქართველოს ტერორიზმთან საბრძოლველად 15 მილიონ დოლარს გამოუყოფს
თბილისი.20.09.04.მედია-ნიუსი. ამერიკის შეერთებულ შტატებს გადაწყვეტილი აქვს 2005 წელს საქართველოს „ტერორიზმთან ბრძოლის“ პროგრამის დასაფინანსებლად 15 მილიონი დოლარი გამოუყოს.
ეს თანხა აშშ-ს 2005 წლის ბიუჯეტის პროექტში გათვალისწინებულია, როგორც უცხოეთში ჩასატარებელი ოპერაციების ხარჯები. კანონპროექტი უკვე შესულია ამერიკის სენატში.
აშშ-ს სახელმწიფო დეპარტამენტის ინფორმაციით, უკანასკნელი სამი წლის განმავლობაში, ტერორიზმის წინააღმდეგ ბრძოლის პროგრამის ფარგლებში, საქართველომ უკვე მიიღო 47 მილიონი დოლარი.