მოლაშვილის წამების ფაქტი კიდევ ორმა სხვადასხვა ექსპერტიზამ დაადასტურა
თბილისი.01.10.04.მედია–ნიუსი. კონტროლის პალატის ყოფილი თავმჯდომარის სულხან მოლაშვილის წამების ფაქტზე აღძრულ სისხლის სამართლის საქმეზე კიდევ ერთი კომისიური სასამართლო – სამედიცინო ექსპერტიზა ჩატარდა, რომელმაც კიდევ ერთხელ დაადასტურა, რომ მოლაშვილი ნაწამებია, – განუცხადა სააგენტო „მედია–ნიუსს“ მოლაშვილის ადვოკატმა შალვა შავგულიძემ.
მისი ინფორმაციით, თავის მხრივ გამოკვლევა ტესტირების გზით ჩაატარა ფსიქორეაბილიტაციის ცენტრმა „ემპათია,“ რომლის დასკვნით, მოლაშვილი, მისი ფსიქიკური მდგომარეობის მიხედვით, ნაწამებია.
სულხან მოლაშვილის წამების თაობაზე ინფორმაცია მისი დაკავებიდან ორნახევარი თვის შემდეგ, წელს ივნისში გაავრცელა არასამთავრობო ორგანიზაცია „ყოფილი პოლიტპატიმრები – ადამიანის უფლებებისთვის“ თავმჯდომარემ ნანა კაკაბაძემ.
მოლაშვილი აცხადებს, რომ იგი პოლიციის დროებითი დაკავების იზოლატორში აწამეს. ამ ფაქტზე აღძრულ საქმეს გენერალური პროკურატურა იძიებს.