ბორჯომ-ხარაგაულის ტყე-პარკში ხანძრის ლოკალიზება ვერ მოხერხდა
თბილისი.30.09.04.მედია-ნიუსი. უკვე მეოთხე დღეა, ხარაგაულისა და ახალციხის რაიონების საზღვარზე ბორჯომ-ხარაგაულის ეროვნული ტყე-პარკი იწვის. ადგილზე იმყოფებოდნენ გარემოსა და ბუნებრივი დაცვის მინისტრი თამარ ლებანიძე და მისი მოადგილე გიორგი იმნაძე.
მინისტრის მოადგილის განცხადებით, ამჟამად ტყე-პარკის დაახლოებით 7-8 ჰექტარი იწვის. ხანძრის ლოკალიზებაში მონაწილეობს ადიგენის, ბორჯომისა და ახალციხის შესაბამისი სამსახურები, ადგილობრივი მოსახლეობა და რეზერვისტები.
იმნაძის განცხადებით, თბილისიდან დამატებითი ძალების ჩაყვანა აუცილებელი არ არის. სავარაუდოდ, ხანძრის ლოკალიზება ორ დღეში მოხდება. იგი ჯერ-ჯერობით ნაადრევად მიიჩნევს ხანძრის შედეგად მიყენებულ ზარალზე საუბარს.