ბათუმში ოპოზიციური ორგანიზაციის ოფისი გაძარცვეს
ბათუმი.10.10.04.მედია-ნიუსი. 9 ოქტომბერს ღამით ბათუმში „ერთიანობის კავშირის“ ოფისი დაარბიეს. ბოროტმოქმედებმა ოფისიდან გაიტანეს აპარატურა, ტელევიზორი და მობილური ტელეფონი.
კავშირის წევრების განცხადებით, ადრე მომხდარ მსგავს ინციდენტზე სამართალდამცავებმა რეაგირება არ მოახდინეს. მათი დევნის მთავარი მიზეზი კი ამ ორგანიზაციის მიმართ აჭარის ხელისუფლების უარყოფითი დამოკიდებულებაა.
აჭარის შინაგან საქმეთა სამმართველოს თანამშრომლების განცხადებით კი აღნიშნულ ფაქტთან დაკავშირებით დარბევაში ეჭვმიტანილი პიროვნება უკვე დაკავებულია და მიმდინარეობს გამოძიება.