ომბუდსმენის მოადგილე პოლიციის განყოფილებაში დაკავებულთა ბედს არკვევდა
თბილისი.27.10.04.მედია-ნიუსი. 27 ოქტომბერს გლდანი-ნაძალადევის რაიონის პოლიციის ქვეგანყოფილებაში სახალხო დამცველის აპარატის წარმომადგენლები მას შემდეგ მივიდნენ, რაც მათთვის ცნობილი გახდა, რომ პოლიციის მიერ დაკავებულ ხ. ხ. და ზ. ჩ-ს სხეულზე დაზიანებები აღენიშნებოდათ.
პოლიციის განყოფილებაში მისულ სახალხო დამცველის მოადგილეს ბაჩო ახალაიას დაკავებულებმა უთხრეს, რომ ისინი განყოფილებაში სცემეს. “ ჩვენ ეს ინფორმაცია გენერალურ პროკურატურაში გავაგზავნეთ და დამნაშავეები დაისჯებიან“,- განაცხადა ბაჩო ახალაიამ.
პოლიციაში კი აცხადებენ, რომ დაკავებულები განყოფილებაში ნაცემები მიიყვანეს და რომ საქმეს გენერალური ინსპექცია შეისწავლის.