დაპირისპირება აჭარის საარჩევნო კომისიაში
თბილისი.12.11.04.მედია-ნიუსი. აჭარის უმაღლეს საარჩევნო კომისიაში (უსკო) საკადრო ცვლილება განხორციელდა. კომისიის თავმჯდომარის მოადგილეობიდან გათავისუფლდა რესპუბლიკური პარტიის წევრი გუგული დუიძე და მისი ადგილი ნაციონალური მოძრაობის წევრმა თამაზ შარმანაშვილმა დაიკავა.
როგორც დუიძე აცხადებს, იგი აჭარის ავტონომიური რესპუბლიკის ხელმძღვანელობის მითითებით დაითხოვეს, რადგან ოპოზიციური პარტიის წარმომადგენელია და პროტესტს გამოთქვამდა, რომ აჭარის უმაღლესი საბჭოს არჩევნების შედეგები გაყალბდა.
უსკოს თავმჯდომარის ირაკლი ფაღავას განმარტებით კი, დუიძე კომისიის წევრად რჩება და ერთ-ერთი განყოფილების ხელმძღვანელად დაინიშნება.
ცნობისთვის: უსკოში სულ რვა წევრია და ორ-ორი ადგილი „ნაციონალებს,“ „მრეწველებს,“ რესპუბლიკელებსა და უმაღლესი საბჭოს წევრებს ეკუთვნით.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
