მეტროს პოლიციის თანამშრომლები სასამართლოში ჩივიან
თბილისი.11.11.04.მედია-ნიუსი. 11 ნოემბერს მეტროპოლიტენის პოლიციის გათავისუფლებულმა თანამშრომლებმა მეტროს სადგურ „ავლაბართან“ საპროტესტო აქცია გამართეს.
ისინი უფლებების აღსადგენად სასამართლოს მიმართავენ და სამი თვის ხელფასს მაინც მოითხოვენ. მეტროს პოლიციის თანამშრომლებს „ლეიბორისტებიც“ გამოეხმაურნენ და ისინი ერთად იბრძოლებენ სიმართლისთვის.
„ჩვენ იმას ვითხოვთ, რაც გვეკუთვნის. ვითხოვთ ხელფასს, რომელიც სამი თვეა არ მიგვიღია. იმედი გვაქვს, რომ სასამართლო ობიექტური იქნება“- აცხადებენ აქციის მონაწილეები.
ცნობისთვის: ორი დღის წინათ მეტროპოლიტენის პოლიციის თანამშრომლები წინასწარი გაფრთხილების გარეშე სამსახურიდან დაითხოვეს. მათი ადგილი საპატრულო პოლიციამ დაიკავა.