მაკედონიის მთებში 12 ქართველი დაიკარგა
თბილისი.28.11.04.მედია-ნიუსი. მაკედონიის მთებში ადგილობრივი მესაზღვრეები რამდენიმე დღეა უშედეგოდ ეძებენ საქართველოს თორმეტ მოქალაქეს, რომლებიც საბერძნეთში გადასვლას არალეგალურად ცდილობდნენ.
დაკარგულთა შესახებ საქართველომ საბერძნეთის ოფიციალურ წრეებს 25 ნოემბერს აცნობა.
გავრცელებული ინფორმაციით, მთებში გაუჩინარებულმა ქართველებმა შეძლეს ახლობლებთან ტელეფონით დაკავშირება და განაცხადეს, რომ უკიდურესად მძიმე პირობებში იმყოფებიან.
ამჟამად მაკედონიაში ამინდი გაუარესებულია, რაც ძებნის სამუშაოებს კიდევ უფრო ართულებს.