უმუშევრად დარჩენილი დევნილი პოლიციელები დასაქმებას ითხოვენ
თბილისი.03.12.04.მედია-ნიუსი. აფხაზეთის დევნილი ხელისუფლების შინაგან საქმეთა სამინისტროს ყოფილმა თანამშრომლებმა თბილისში, ე.წ. იმელის შენობასთან აქცია გამართეს. ისინი აპროტესტებდნენ აფხაზეთის ყოფილი შს სამინისტროს რეორგანიზაციას, რომლის შედეგაც, სამინისტროში მომუშავე ძალოვანები სამსახურის გარეშე დარჩნენ. მათივე თქმით, ხელისუფლებას მათი კუთვნილი სახელფასო დავალიანება ჯერაც არ გაუცია.
ყოფილი პოლიციელები ხელისუფლებას დასაქმებას თხოვენ.
ცნობისთვის: აფხაზეთის ყოფილ შინაგან საქმეთა სამინისტროს რეორგანიზაცია რამდენიმე თვის წინათ ჩაუტარდა, რის შემდეგაც იქ მომუშავე თანამშრომლების ერთი ნაწილი გაათავისუფლეს, თავად სამინისტრო კი სამმართველოდ გადაკეთდა.