03:42, Tuesday, 31.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სასამართლომ ჟურნალისტის ქვრივის სარჩელი ნაწილობრივ დააკმაყოფილა

08.12.2004

სასამართლომ ჟურნალისტის ქვრივის სარჩელი ნაწილობრივ დააკმაყოფილა

თბილისი.03.12.04.მედია-ნიუსი. საქართველოს უზენაესი სასამართლოს საკასაციო პალატამ მხოლოდ ნაწილობრივ დააკმაყოფილა გიორგი სანაიას ქვრივის ხათუნა ჩხაიძის სარჩელი, რომლის მიხედვითაც, მოსარჩელე გიორგი სანაიას მკვლელობასთან დაკავშირებული სისხლის სამართლის საქმის ხელახალ გამოძიებაში დაბრუნებასა და საოლქო სასამართლოს მიერ დადგენილი მკვლელობის მოტივის გაუქმებას მოითხოვდა.

უზენაესმა სასამართლომ საქმე ხელახალ ძიებაში არ დააბრუნა, თუმცა გააუქმა მკვლელობის მოტივი.

მოსამართლის თქმით, ახალი გარემოებების აღმოჩენის შემთხვევაში პროკურატურას შეუძლია ისევე მიმართოს საკასაციო პალატას.

„ჩემი საჩივარი ნაწილობრივ დაკმაყოფილდა, საოლქო სასამართლოს განაჩენი ნაწილობრივ გაუქმდა და რადგან უზენაესმა სასამართლომ აღიარა, რომ მოტივი არ არის დადგენილი, ამით ფაქტობრივად დაადგინა, რომ შესაძლებელია ეს შეკვეთილი მკვლელობა იყოს და პროკურატურასაც მიუთითა, იმუშაოს ამ საკითხზე,“- განაცხადა სასამართლოს დასრულების შემდეგ სანაიას ქვრივმა ხათუნა ჩხაიძემ.

გიორგი სანაიას მკვლელობისთვის მსჯავრდებულ გრიგოლ ხურცილავას ადვოკატი კი თავის მხრივ, ხურცილავასთვის 13-წლიანი პატიმრობის შემსუბუქებას ითხოვდა, რადგან მიაჩნია, რომ მსჯავრდებულმა დანაშაული აფექტის მდგომარეობაში ჩაიდინა. სასამართლომ ეს მოთხოვნა არ დააკმაყოფილა.

ხურცილავას ადვოკატის დავით დადიანის თქმით, სასამართლომ პოლიტიკური გადაწყვეტილება მიიღო.

ცნობისთვის: გიორგი სანაიას მკვლელობისთვის მსჯავრდებულ გრიგოლ ხურცილავას თბილისის გლდანი-ნაძალადევის რაიონულმა სასამართლომ 2004 წლის ივნისში13-წლიანი პატიმრობა მიუსაჯა, მოგვიანებით, 30 ივლისს, საოლქო სასამართლომ განაჩენი ძალაში დატოვა და მხოლოდ მკვლელობის მოტივი დააკონკრეტა. საოლქო სასამართლომ მკვლელობის მოტივად მსხვერპლის მხრიდან მსჯავრდებულის სექსუალური შეურაცხყოფის მცდელობა მიიჩნია.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC