ყოფილი პარლამენტარი დააკავეს
აჭარის პროკურატურამ საქართველოს პარლამენტის ყოფილი წევრი თემურ მეგრელიშვილი დააკავა. „აღორძინების“ პოლიტიკურ მდივანს თანამდებობრივი უფლებამოსილების გადამეტებასა და ბიუჯეტისადმი ზიანის მიყენებაში ადანაშაულებენ.
საუბარია მილიონ ასი ათას ლარზე, რომელიც ერთი წლის წინ თბილისში შევარდნაძის მხარდასაჭერად გამართული აქციისთვის აჭარის ბიუჯეტიდან დაიხარჯა. მაშინ თბილისში ბათუმიდან ჩაყვანილ აქციის მონაწილეებს დღეში 20-20 ლარს ურიგებდნენ. აჭარის პროკურორის კახა მაისურაძის განცხადებით, მეგრელიშვილი ამ თანხების ბიუჯეტიდან გამოტანისა და განკარგვის ერთ-ერთი ორგანიზატორი იყო.
აღორძინების ერთ-ერთი ცნობილი სახე წუხელ გვიან ღამით რამდენიმე საათიანი დაკითხვის შემდეგ დააკავეს. გამომძიებლის განცხადებით, ყოფილი დეპუტატი ფაქტს არ უარყოფს, თუმცა დანაშაულად არ მიიჩნევს.
დაკავებულის სამთვიანი წინასწარი პატიმრობის შეფარდების საკითხს ბათუმის საქალაქო სასამართლო ხვალ განიხილავს.
ამ ფაქტთან დაკავშირებით პროკურატურამ რამდენიმე დღის წინ აჭარის ყოფილი ფინანსთა მინისტრი იაშა ჩავლეიშვილი და მინისტრთა საბჭოს ყოფილი თავმჯდომარე რევაზ შამილიშვილიც დააკავა.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
