ბათუმის ყოფილი ვიცე-პრემიერი უგზო-უკვლოდ დაიკარგა
თბილისი.16.12.04.მედია-ნიუსი. მოსკოვში გაურკვეველ ვითარებაში გაუჩინარდა ბათუმის ყოფილი ვიცე-პრემიერი და პორტის ყოფილი უფროსი ჯამბულ ნინიძე. როგორც ასლან აბაშიძის პრესმდივანი თამარ გუდავა აცხადებს, ნინიძის უგზო-უკვლოდ დაკარგვასთან დაკავშირებით აბაშიძემ რუსეთის ფედერაციაში საქართველოს საელჩოს საპროტესტო ნოტა გაუგზავნა.
რუსი სამართალდამცავების თქმით კი, ნინიძის გატაცებასთან ან სხვა მიზეზით გაუჩინარებასთან დაკავშირებით კონკრეტული ვერსიები არ აქვთ, თუმცა მოსკოვის დასავლეთ ადმინისტრაციული ოლქის პროკურატურაში სისხლის სამართლის საქმე გაუჩინარების ფაქტზე უკვე აღიძრა.
ცნობისთვის: ჯამბულ ნინიძეს საქართველოს პროკურატურა სახელმწიფოს კუთვნილი მილიონახევარი დოლარის გაფლანგვაში ადანაშაულებს.