პარლამენტარი ფინანსურ პოლიციას დევნაში ადანაშაულებს
თბილისი.05.01.05.მედია-ნიუსი. პარლამენტარი ბეჟან გუნავა ფინანსური პოლიციის უფროსს დავით კეზერაშვილს დევნასა და ზეწოლაში ადანაშაულებს.
დეპუტატის თქმით, დავით კეზერაშვილი მას შემდეგ დაუპირისპირდა, რაც გაზეთ „ასავალ-დასავალში“ რამდენიმე თვის წინათ გამოქვეყნდა მისი ინტერვიუ, სადაც იგი ფინანსური პოლიციის კანონსაწინააღმდეგო ქმედებებზე საუბრობდა. კერზოდ კი, გუნავას ინფორმაციით, ფინანსური პოლიციის წარმომადგენლებმა იმ ფირმებს, რომლებიც ტრანზიტითა და ექსპორტით არიან დაკავებულნი, გარკვეული თანხების რაღაც ანგარიშებზე გადარიცხვა მოსთხოვეს.
„ამას შემდეგ, დამირეკა ფინანსური პოლიციის ოპერატიული სამსახურის უფროსმა და დამემუქრა. მან ახსენა კომპანიები „მეგაჩაი“ და „მეგაფლოტი“ და ეს იყო მინიშნება, რომ თუ მე არ გავჩერდებოდი, ისინი ჩემს ძმას დაიჭერდნენ. ჩემი ძმა არის დამოუკიდებელი პიროვნება და ვიცი, რომ იგი კანონსაწინააღმდეგო ქმედებას არ ჩაიდენდა,“- აღნიშნა ბეჟან გუნავამ.
თავად დავით კეზერაშვილი ბეჟან გუნავას ბრალდებებს უარყოფს.
ცნობისთვის: ფინანსურმა პოლიციამ ამ დღეებში პარლამენტარ ბეჟან გუნავას ძმის, ბიზნესმენ გოჩა გუნავას წინააღმდეგ გადასახადების დამალვისა და თანხების მითვისების ბრალდებით სისხლის სამართლის საქმე აღძრა და მასზე ძებნა გამოცხადდა.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
