უბნის ინსპექტორს ქვეითი პატრული შეცვლის

უბნის ინსპექტორს ქვეითი პატრული შეცვლის

თბილისი.10.01.05.მედია-ნიუსი. საქართველოში მალე ქვეითი პატრული ამოქმედდება. ამ სამსახურის ვაკანსიებზე პოლიციის აკადემიაში მიიღებიან 22-დან 37 წლამდე მოქალაქეები, ხოლო პოლიციის ყოფილი თანამშრომლების ასაკი 45 წლამდე განისაზღვრება.

განცხადებების მიღება 26 იანვარს დასრულდება და კონკურსში გამარჯვებულები ექვსკვირიან მომზადებას გაივლიან. შეირჩევა 1200 მოქალაქე, რომელიც თბილისის გარდა, რეგიონებში 24-საათიანი რეჟიმით იმუშავებს. ისინი უბნის ინსპექტორის ფუნქციებსაც შეითავსებენ. მათი ხელფასი, სავარაუდოდ, 400 ლარი იქნება.