ეპარქიის წინამძღოლს 6 წლით თავისუფლების აღკვეთა მიუსაჯეს
თბილისი.31.01.05.მედია-ნიუსი. თბილისის ვაკე-საბურთალოს სასამართლომ ე.წ. გლდანის ეპარქიის წინამძღოლს ბასილ მკალავიშვილს 6 წლით თავისუფლების აღკვეთა მიუსაჯა, ხოლო მის თანამოაზრეებს, პეტრე ივანიძეს - 4 წლით, პეტრე კოროშიძეს - 1 წლით.რაც შეეხება დანარჩენ ოთხ განსასჯელს, მათ პირობითი სასჯელის მოხდა მოუწევთ. ისინი სასამართლო დარბაზიდან გაათავისუფლეს.მკალავიშვილისა და მისი თანამოაზრეების ადვოკატები სასამართლოს გადაწყვეტილებას უკანონოს უწოდებენ და მას ზემდგომ ინსტანციაში გაასაჩივრებენ.სასამართლო პროცესი მკალავიშვილის მრევლის აქციის ფონზე მიმდინარეობდა.ცნობისთვის: ბასილ მკალავიშვილსა და მის თანამოაზრეებს სასამართლო სხვისი ქონების ხელყოფისთვის ასამართლებს.