ჭიაბერაშვილს და ბეგაშვილს მასმედიის მუშაობა არ მოსწონთ
თბილისი.მედია ნიუსი.14.02.05. თბილისის საკრებულოს თავმჯდომარე ზაზა ბეგაშვილი და დედაქალაქის მერი ზურაბ ჭიაბერაშვილი მასმედიის მუშაობით უკმაყოფილონი არიან.
საკრებულოს თავმჯდომარის ზაზა ბეგაშვილის განცხადებით, მასმედია დედაქალაქში მიმდინარე პოზიტიურ პროცესებს ნაკლებად აშუქებს და ყურადღებას ძირითადად საკრებულოში ზოგიერთი დეპუტატის არაკორექტულ გამონათქვამებსა და ქმედებებზე ამახვილებს.
თბილისის მერი ზურაბ ჭიაბერაშვილი კი მასმედიას ურჩევს, უფრო მეტად საზოგადოებისთვის საინტერესო საკითხებით დაინტერესდეს, ვიდრე „ლანძღვა-გინებით“.
საკრებულოს თავმჯდომარის ზაზა ბეგაშვილის მითითებით, მერიის საზოგადოებასთან ურთიერთობის სამსახური ამიერიდან ვიდეოფირზე გადაიღებს საკრებულოსა და მთავრობის მიერ საზოგადოებისათვის საინტერესო გადაწყვეტილებების მიღების პროცესს და შემდეგ ტელევიზიით გააშუქებს.