გორში საპატრულო პოლიცია ამოქმედდება
თბილისი.20.02.05.მედია-ნიუსი. 21 თებერვლიდან გორში საპატრულო პოლიცია ამოქმედდება.გორის რაიონის საპატრულო პოლიციის ხელმძღვანელის რამაზ ჩოჩიშვილის ინფორმაციით, თავდაპირველად, საპატრულო პოლიცია პატრულირებას გორში განახორციელებს, მოგვიანებით კი, პატრულის ოცდაოთხსაათიანი მორიგეობა მეზობელ რაიონებში - კასპში, ხაშურსა და ქარელშიც დაწესდება.ორშაბათს გორში საპატრულო პოლიციის პრეზენტაცია იგეგმება; ღონისძიებას შს მინისტრი ვანო მერაბიშვილი დაესწრება.პირველ ეტაპზე გორში ოცდაოთხსაათიან პატრულირებას 5 ეკიპაჟი განახორციელებს. აპრილში კი გორში ქვეითი პატრულიც გამოჩნდება.