სვანები მე-3 ენერგობლოკის პიკეტირებით იმუქრებიან
თბილისი.27.03.05.მედია-ნიუსი. გარდაბნის რაიონის სოფელ ლემშვენიერას მოსახლეობა თბილსრესის მე-3 ენერგობლოკის პიკეტირებით იმუქრება. ამ სოფელში 500 სვანური ოჯახი ცხოვრობს, რომელთა წყალმომარაგება პირდაპირ არის დაკავშირებული ელექტრომომარაგებასთან. ისინი წყალს არტეზიული ჭებიდან იღებენ. სოფელი უკვე 3 კვირაა, უწყლოდ არის, რადგან მათ დენი არ მიეწოდებათ. როგორც ენერგეტიკოსთა საზოგადოების თავმჯდომარემ მირონ ფირცხელანმა „მედიანიუსს“ განუცხადა, ამ საკითხთან დაკავშირებით უკვე ესაუბრნენ ენერგეტიკის მინისტრს და ცენტრალურ დისპეჩერს, რომლებიც პრობლემის მოგვარებას შეპირდნენ.