ჩეჩნები შიმშილობას კვლავ განაგრძობენ
საქართველოში მცხოვრები ჩეჩენი ლტოლვილები უკვე ერთი კვირაა, რაც გაეროს ლტოლვილთა კომისარიატის ოფისში შიმშილობის აქციას მართავენ. აქციის მონაწილეები შიმშილობის შეწყვეტას არ აპირებენ და გაეროს ლტოლვილთა კომისარიატის მიმართ წაყენებული მოთხოვნების შესრულებას ითხოვენ, კერძოდ 500 ჩეჩენის მესამე სახელმწიფოში გადაყვანას ან ჩეჩენ ლტოლვილთა სოციალური პირობების გაუმჯობესებას საქართველოში.
გუშინ მოშიმშილე ჩეჩენი ქალებიდან ხუთი მათგანის ჯანმრთელობის მდგომარეობა გაუარესდა, რის შედეგადაც ისინი მძიმე მდგომარეობაში გადაყვანილ იქნენ თბილისის ერთ-ერთ საავადმყოფოში.
მოშიმშილეთა განცხადების თანახმად, ლტოლვილთა კომისარიატის ადმინისტრაცია სრულ გულგრილობას იჩენს მათ მიმართ და უარს ეუბნება მათი მოთხოვნების დაკმაყოფილებაზე. ერთ-ერთი მოშიმშილე ქალის თქმით, როდესაც ის ავიდა ოფისში, რათა მოეყოლა იმ პრობლემების თაობაზე, რასაც ჩეჩენი ხალხი აწყდება საქართველოში, კომისარიატის ერთ-ერთმა თანამშრომელმა მას არც მოუსმინა, ისე გამოადგო კაბინეტიდან.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
