ერაყში ქართველი სამშვიდობოების ახალი ნაკადი მიემგზავრება
თბილისი.13.05.05.მედიანიუსი. ერაყში სამასი ქართველი სამხედრო მოსამსახურე მიემგზავრება‚ რომლებიც ბაქუბაში მდგარ კონტინგენტს შეცვლის.
ამჟამად სამშვიდობო მისიით საქართველოს ერაყში 858 სამხედრო მოსამსახურე ჰყავს გაგზავნილი. აქედან 558 სამხედრო ბაღდადშია‚ 300 კომანდოელი კი ბაქუბაში დგას და პერიოდულად იცვლება. ამჯერად ბაქუბაში მეხუთე ნაკადი მიემგზავრება. ეს არის თავდაცვის სამინისტროს პირველი ბრიგადის მსუბუქი ქვეითი ბატალიონი.
ქართველი სამხედროები ჯერ ავღანეთში‚ ქაბულში ჩავლენ‚ შემდეგ კი, სავარაუდოდ 18-20 მაისს ბაქუბაში გაემგზავრებიან.